2010 թ. I կիսամյակում ՀՀ ԱՆ դատական ակտերի հարկադիր կատարումն ապահովող ծառայությունը դատարանների որոշումներով ֆիզիկական եւ իրավաբանական անձանց, ինչպես նաեւ պետական բյուջեի օգտին բռնագանձել եւ ուղիղ մարումով վերականգնել է ավելի քան 5,5 միլիարդ դրամ: Այդ մասին հայտնեց ՀՀ Գլխավոր հարկադիր կատարող Միհրան Պողոսյանը կիսամյակի ամփոփմանը նվիրված ծառայության ընդլայնված խորհրդակցության ընթացքում:

"Դա բավարար ցուցանիշ է, սակայն ոչ բավական: 2008 թ. I կիսամյակի համեմատությամբ կատարողական թերթերի հոսքը կրկնակի ավելացել է: Այս տարվա I կիսամյակում ծառայության բաժինների վարույթում գտնվել է շուրջ 60 հազար գործ, ինչը որոշ ժամանակաշրջաններում տարեկան ցուցանիշն է կազմել: Այս հոսքը պարտադրում է մեզ ավելացնել աշխատանքի արդյունավետությունը", իր խոսքում ասեց Մ.Պողոսյանը: Ծառայության ղեկավարը նշեց նաեւ հետաքրքրական փաստ, այս տարվա միայն I կիսամյակում պետական բյուջեի օգտին բռնագանձվել է 880 միլիոն դրամ:

Մ.Պողոսյանի կարեւորեց տնտեսական բնույթի վարույթներով կեղծ սնանկության ռիսկերի բացահայտումն ու չեզոքացումը: Այդ նպատակով ԴԱՀԿ ծառայությունում կազմավորվել է "ռիսկային" վարույթների բազմամակարդակ ուսումնասիրման եւ վերլուծությամ համակարգ: 2010 թ. I կիսամյակում ՀՀ Գլխավոր դատախուզություն է ուղարկվել 24 նմանատիպ գործ, որոնցից 6-ով հարուցվել է քրեական գործ, իսկ նմացածը ընթացքի մեջ են:     

Հաշվետու ժամանակաշրջանում ԴԱՀԿ ծառայության 31 աշխատակիցների նկատմամբ նշանակվել է ծառայողական քննություն, որոնց արդյունքում 5 աշխատակից ենթարկվել են կարգապահական պատասխանատվության, 5-ը` ազատվել աշխատանքից:

ՀՀ ԱՆ դատական ակտերի հարկադիր կատարումն ապահովող ծառայությունը նախազգուշացնում է, որ դատական ակտերը կամովին չկատարելու դեպքում ծառայությունը իրեն վերապահված գործառույթները իրականացնելու է հետեւողականորեն եւ օրենքի ողջ խստությամբ:

ԴԱՀԿ ծառայության մամուլի քարտուղար