|
Բարի գալուստ Հայաստանի Հանրապետության Արդարադատության Նախարարության Դատական ակտերի հարկադիր կատարումն ապահովող ծառայության պաշտոնական կայք:
Շնորհակալություն մեր կայքից օգտվելու համար:
Ծառայության պաշտոնական կայքի ստեղծումը նպատակ ունի էլեկտրոնային եղանակով ապահովելու հասարակության լայն շրջանակների հետ ծառայության փոխադարձ կապը՝ դրանով իսկ վերջինիս գործունեությունը դարձնելով առավել հրապարակային և թափանցիկ:
Հուսով եմ՝ այստեղ ներկայացված տեղեկատվությունը կօգնի, որպեսզի Դուք ստանաք դատական ակտերի հարկադիր կատարմանն առնչվող՝ Ձեզ հետաքրքրող հարցերի պատասխանները և միևնույն ժամանակ իրազեկված լինել ծառայության առօրյա գործունեությանը և դրա զարգացման հեռանկարներին:
ՀՀ Գլխավոր հարկադիր կատարող՝
Միհրան Պողոսյան
Հարկադիր կատարման ենթակա են`
- քաղաքացիական գործերով դատական ակտերը, բացառությամբ իրավաբանական անձին կամ քաղաքացուն uնանկ ճանաչելու և մրցութային վարույթ uկuելու մաuին գործն ըստ էության լուծող դատական ակտերի, ինչպես նաև Հայաստանի Հանրապետության վարչական դատարանի դատական ակտերը, բացառությամբ Հայաստանի Հանրապետության վարչական դատավարության օրենսգրքի 24-րդ գլխով նախատեսված գործերով դատական ակտերի.
- քրեական գործերով դատարանի դատավճիռները և որոշումները` տուգանքների, գույքի բռնագրավման և գույքային բռնագանձումների մասով.
- արբիտրաժային տրիբունալների վճիռները.
- Հայաստանի Հանրապետության միջազգային պայմանագրերով նախատեսված դեպքերում օտարերկրյա դատարանների և արբիտրաժային տրիբունալների քաղաքացիական և տնտեսական գործերով վճիռները և որոշումները, ինչպես նաև քրեական գործերով օտարերկրյա դատարանների դատավճիռներն ու որոշումները` վնասի հատուցման և գույքային այլ բռնագանձումների մասով.
- Հայաստանի Հանրապետության անդամակցությամբ (մասնակցությամբ) գործող միջազգային դատարանի, ինչպես նաև միջազգային արբիտրաժի քաղաքացիական և տնտեսական գործերով վճիռները և որոշումները.
- Ֆինանսական համակարգի հաշտարարի որոշումները:
|
